Шəhри Чаллы

26 майда Чаллыга Кытайдан мәртәбәле делегация килә

Татарстан Президенты Рөстәм Миңнеханов хөкүмәт йортында Haierның Россиядәге вәкиллеге җитәкчесе Людмила Романованы кабул итте. Әлеге очрашуда ТР сәнәгать һәм сәүдә министры Альберт Кәримов, икътисад министры Артем Здунов, Татарстан таможнясы башлыгы Альберт Мавликов, Чаллы шәһәре башкарма комитет җитәкчесе урынбасары Эльдар Тимергалиев катнашты.

Чара дәвамында Чаллыдагы Haier заводының эшчәнлеге тикшерелде, киләчәккә планнар билгеләнде. Исегезгә төшерәбез, моннан бер ел элек "Мастер" Кама индустриаль паркында Haier заводы эшли башлаган иде. Әлеге заводның туган көне уңаеннан 26 майда Чаллыга Кытайдан мәртәбәле делегация килергә тиеш. Тиздән шәһәрдә кер юу машиналары җитештерелә башлый.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: