Җәяүле юлларында - ике телдә язулар

Чаллыда җәяүлеләр юллары янында ике телдә язулар барлыкка килде. Сары буяу белән «карагыз» һәм «посмотрите» дип язылган. Автомобиль хәрәкәте юнәлешен күрсәтүче уклар да куелган. 

“Әлеге язулар кеше күп йөри торган җәяүле юлларында гына пәйда булды.  Максаты - куркынычсызлык чараларын күрү ”, - ди “Транссигнал” ҖЧҖ директоры Ренат Шәяхмәтов. 

Шәһәр хакимиятенең матбугат хезмәте белдерүенчә, әлеге язулар ярдәмендә шәһәр халкының игътибарын куркынычсызлык темасы җәлеп итәргә мөмкин. Халык язуны укыгач, уңга-сулга карарга мәҗбүр булачак.