Авырулар саны ешайган

Чаллыда кискен респиратур йогышлы авырулар белән чирләү очрагы ешайган. Әлеге авыруның бу атнада гына 2475 очрагы теркәлгән.Узган атна белән чагыштырганда бу сан 4 % ка арткан.

Шулай ук, белгечләр шәһәрдә кискен эчәклек авыруы белән чирләүнең 79 очрагын теркәгән.
Шунысын да әйтергә кирәк, Чаллыда агулану очраклары да артып киткән. Шулар арасында өчесе исле газ белән, икесе дарулар, калганнары исерткеч эчемлек, наркотик матдәләр һәм серкә кислотасы белән агуланганнар. Зыян күрүчеләрнең 92% ир-атлар.