Белеп түләгез

Машина йөртүчеләргә административ хокук бозганнары өчен ташламалар кертелүе хакында хәбәр иткән идек инде. Ниһаять алардан файдаланырга да була. Төп шарт - штрафны 20 көн эчендә түләү. Шунысы мөһим - исәп квитанцияне кулга алган көннән түгел, кагыйдә теркәлгән көннән башлана. «Бәхет хаты» килеп җиткәнче вакыт узарга да мөмкин. Шуңа да штрафларны интернеттан карап бару зарур. Әйтик, сезгә 500 сум штраф салынды, ди. Интернетта ул 20 көн эчендә 500 сум дип түгел, 250 сум дип күрсәтеләчәк, ә 21 нче көнне, түләнмәгән очракта, кабат 500гә әйләнә.