Бер хатынны эт талап үтергән

Тикшерү комитетында Уфада хатын-кызга эт һөҗүм итүе турында хәбәр итәләр. Тикшерү күрсәткәнчә, 48 яшьлек хатынны эт талап үтергән. Бу хәл 7 августка каршы төндә булган. Ике хатын һәм бер ир этле йортта спиртлы эчемлекләр эчкән.

Эчкәннән соң барысы да йокларга яткан. Кунаклар - бер бүлмәдә, йорт хуҗасы эте белән икенче бүлмәдә урнашкан.

Төнлә кунак фатир хуҗасы бүлмәсенә кергән, бу вакытта эт аның муенын һәм битен тешләгән. Алынган тән җәрәхәтләреннән хатын шунда ук үлгән.

Әлеге вакытта фаҗига урынында тикшерүләр бара.

https://kiziltan.rbsmi.ru/articles/obchestvo/ber-khatynny-et-talap-terg-n/