“Болгар”лылар да сайлауга килде

Яраткан тамашачыларына үрнәк күрсәтеп мәдәният-сәнгать, иҗат әһеләре дә сайлауларда актив катнаша. "Болгар" дәүләт җыр һәм бию театры артистлары, Татарстанның атказанган артистлары Наил Соловьев һәм Елена Зарянова да үз участокларына барып тавыш биреп кайттылар. Алар фикеренчә сайлаулар ул үзенә күрә бер этәргеч ролен үти. "Әлеге чарадан башка бүгенге сәясәтне күз алдына да китереп булмый. Аның аша гражданнарыбыз үз фикерләрен җиткерәләр, җәмгыятебезнең үсеш юлларын билгелиләр. Шуңа да сайлауларда халык мәнфәгатьләрен кайгыртучы, киләчәктә аның проблемаларын хәл итүче кандидатларга өстенлек бирү мөһим. Бу сайлаулардан соң тормышыбыз тагы да яхшырыр дип ышанабыз", ди - шәһәрдәшләребез.