Бюджет ни хәлдә?

Ел башыннан шәһәр бюджетына 5 миллиард 45 миллион сум акча кергән. Аның 2 миллиард 626 миллион сумы шәһәрнең үз табышы. 7 айда чыгымнар 4 миллиард 488 миллион сум тәшкил иткән. Чыгымнарның 65%ы бюджет өлкәсендә эшләүчеләргә хезмәт хакы түләүгә, 388 миллион сумы шәһәрне төзекләндерүгә, 150 миллион сум юлларны тәртиптә тотуга киткән. Салымнар буенча җыеласы акча 500 миллион сум. "Әлеге сумманы ел ахырына кадәр ябу зарур. Бу акча шәһәр халкы алдындагы бурычларны үтәү өчен бик кирәк", - диде шәһәр хакиме Наил Мәһдиев дүшәмбе киңәшмәсендә.