Чаллы Сабан туена велосипед һәм самокатта йөрүчеләрне кертмәячәкләр

17 июнь көнне халкыбызның милли бәйрәме Сабан туе узачак. Гадәттәгечә аны шәһәребез мәйданында оештыралар. Быел бәйрәм аеруча да үзенчәлекле булыр дип көтелә. "Әкият" һәм "Авыл" мәйданчыклары кунакларны Чулман проспектыннан ук каршы алачак. Театральләштерелгән тамаша, уен-көлке, йорт хайваннары зоопаркы - халык күңелен яуларлык чаралар шактый. Бу хакта монда яздык.

Көрәш тә быел кызу булачак. Сабантуй батырына "Москвич" автомобиле вәгъдә иттеләр. Төп приз өчен 130дан артык спортчы көрәшәчәк. (тулырак моннан укы) 

Бәйрәмнең төп кунагы - Татарстанның атказанган артисты Илсөя Бәдретдинова. 

Чаллы җитәкчелеге кисәтү белән чыкты. Мәйданга велосипед, самокат һәм скейтларда керү катгый тыела. Бу чара әйләнә-тирә иминлеген тәэмин итү өчен кертелә.