Ялга кайткан хәрбиләргә үзенчәлекле бүләк ясадылар

Чаллының Үзәк районы хакимияте махсус хәрби операциядә катнашучы шәһәрдәшләребезгә һәм аларның гаиләләренә үзенчәлекле бүләк ясады. 3 декабрьдә алар өчен бушлай киносеанс үткәрелде. 300гә якын бала әниләре һәм кыска вакытлы ялга кайткан әтиләре белән  шәһәр кинотеатрларының берсендә «Хоккейные папы» дигән фильм карады. 

«Чараны оештыруда финанс ярдәме күрсәткәне өчен, эшкуар Наил Сәйфуллинга да рәхмәтебезне җиткерәбез. Егетләребезнең гаиләләренә алга таба да төрле яклап булышачакбыз. Мондый киносеанслар һәр якшәмбедә диярлек уза. Яңа ел каникулларында, узган көзге каникуллардагы кебек үк, махсус хәрби операциядә катнашучыларның балалары өчен башка төр чаралар да үткәрергә ниятлибез», - дип белдерде Үзәк районы хакимияте башлыгы Эдуард Фәттахов.