Хокук сакчылары гаепле кешеләрнең эзенә чыкты.
Социаль челтәрләрдә бер төркем ир-атларның гамьсез гамәлләрен чагылдырган видео пәйда булды. Вакыйга Мәләкәс аръягы микрорайонында була. Ир-атлар йорт янында торучы бер машинаның тәрәзәләрен вата һәм эченә чүплектән алып чүп-чарлар тутыра. Соңыннан араларындагы бер егетне кыйныйлар. Зыян күрүче хәлсезлектән асфальтка егыла.
Әлеге конфликт буенча Эчке эшләр идарәсенең матбугат хезмәте аңлатма бирде. «Ир-атлар шәхесләре ачыкланды. Алар бер-берсе белән таныш. Конфликт исерткеч эчемлекләр куллану нәтиҗәсендә килеп чыккан. Хәзерге вакытта тикшерү бара», - дип белдерде.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев