Чаллыда лифт янында мәет тапканнар

Чаллының яңа шәһәрдәге 23/10 Д йортындагы тулай торакта, лифт янында бер ир мәете табылган.

Ул 12-13 тапкыр пычак белән чәнчү нәтиҗәсендә үлгән. Әлеге җинаятьне кылучыны әлегә тапмаганнар. 
Үлгән иргә 52 яшь булган. Ул шул йортта яшәгән. Берничә ир җыелып спиртлы эчемлекләр эчкән, аннары алар арасында бәхәс килеп чыккан. Нәтиҗәсе үлем белән тәмамланган. 

Әлеге җинаять буенча тикшерү комитеты «Үтерү» маддәсе буенча җинаять эше ачкан.