Чаллыда наркотик сатучы яшүсмерне тоттылар

50нче комплекста подъезд янында 17 яшьлек егетне тоттылар. Аның яшерен урыннарга наркотиклар калдырып йөргән чагы була. Тикшерү барышында кара изолентага уралган 15 төргәк табыла. Егет аларны Интернеттан сатып алуын һәм клиентларына яшерен урыннарда калдырып акча эшләвен әйтә. Хокук сакчылары әти-әнисе фатирын да тикшерәләр. Егет бүлмәсеннән бер пакет һәм төргәк наркотик матдә табалар. 

Экспертиза нәтиҗәләре буенча 256 дозалык наркотик матдәнең мефедрон булуы ачыклана. Тикшерү дәвам итә. Егетне җаваплылыкка тартачаклар.