Чаллыда пассажир автобусы янды

Тынычлык проспектында 7нче санлы микроавтобус дөрләп янды.

Фаҗига "Курчак театры" тукталышыннан ерак түгел була. Башта шартлау яңгырый, аннан соң капот төтенли башлый. Бу вакытта салонда пассажирлар да була. Алар тизрәк чыгу юлын карый. Урынга янгын сүндерүчеләр килеп җитә. Шаһитлар сүзләренчә, автобус күз йомганчы янып бетә. Бәхеткә, зыян күрүчеләр юк. Хәзерге вакытта янгын сәбәбе ачыклана. Беренчел фараз - электр чыбыкларында кыска ялганыш. 

7нче санлы автобус эшмәкәр Николай Тятюшкинныкы. Без аның белән элемтәгә кердек. 

"Хәзер урынга барабыз. Әлегә берни әйтә алмыйм", - диде.