Чаллыда каракларны эт белән таптылар

ГЭС бистәсендә яшәүче 45 яшьлек хатын-кыз велосипедын урлауларына зарланып полициягә мөрәҗәгать итә. Салынган зыян күләме 8 мең сум була. Урынга хокук сакчылары, эт белән кинолог килеп җитә. Якын-тирәдәге кешеләрне сораштыралар. Ахыр чиктә җаваплы эшкә этне җигәләр. Ул ис буенча хокук сакчыларын ломбардка алып килә. Велосипедны 36 һәм 40 яшьлек ир-атлар урлавы ачыклана. Икесе дә зыян күргән хатын-кызның күршеләре булып чыга. Берсе өске катта яши, икенчесе күрше йорттан. 

Ир-атлар гаепләрен таныйлар. Аларга карата “Урлау” маддәсе буенча җинаять эше кузгатылды. Хәзер 2 елга кадәр ирекләреннән мәхрүм ителү яный. 
Искәретергә кирәк, хатын-кыз велосипедын тамбурда бәйләмичә генә калдырган булган. Хокук сакчылары игътибарлы булырга чакыра. Велосипедларны чылбыр, замок яисә фиксаторлар белән бәйләп куярга киңәш итә.