Чаллыда хәтер көнендә автобуслар йөриячәк

27 апрель – Чаллыда хәтер көне. Ул елга ике тапкыр - апрель һәм сентябрь айларының соңгы шимбәсендә оештырыла. Шәһәр җитәкчелеге бу көннәрдә Чаллы халкын иртәдән кичкә кадәр автобуслар белән тәэмин итә. Быел да «Молодёжное» зиратына автобуслар хәрәкәте оештырыла. Алар Пединститут тукталышы -  Минзәлә тракты – «Молодёжное» зираты маршруты буенча 7:00 сәгатьтән 15:00 сәгатькә кадәр 30 минутлык интервал белән йөриячәк. 

Автобуслар Низаметдинов урамындагы "Пединститут" тукталышыннан кузгалып китәчәк.