Бина 22 ел элек төзелгән.
«Асылташ» балалар һәм яшүсмерләр социаль приютында капиталь ремонт бара. Шәһәр җитәкчелеге тикшерү белән чыкты.
Хәзерге вакытта бинага керү өлеше, уен һәм уку зоналары, бәдрәф һәм 3 бүлмә төзекләндерелә. Эшләрнең 44%ы башкарылган. Яңа ишекләр куелган, душ кабиналары ясалган. Чиратта – стеналарны буяу, түшәмне ясау һәм линолеум җәю.
«Асылташ» приютында 3 яшьтән 17 яшькә кадәр авыр хәлдә калган 38 бала яши. Якын-тирәдәге районнардан да бар. Приют коллективының төп максаты – балаларны үз гаиләләренә кайтару, дип билгеләп үтте учреждение директоры Анжела Назарян. Һәм күпчелек очракта шулай булганын ассызыклады.
Фото Чаллы хакимияте сайтыннан алынды
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев