Чаллы егете йөри алмаганнарга ярдәм итәргә тели

Моннан 2 еллап элек аяксыз калып, уңышсыз дәваланганнан соң, үзе өйрәнгән ысул белән аякка баскан Чаллы егете Рәмзил Арсланов турында моңарчы язган идек инде. Савыккач та ул үзе кебек авыр хәлдә калганнарга аякка басарга ярдәм итә башлады. Хәзер дә бу эшен туктатмый.

Бу гына да түгел, Рәмзил Арсланов безнең белән элемтәгә кереп, бер кешене түләүсез шартларда миопрессура ысулы белән дәваларга теләве хакында белдерде. Тик бер шарты да бар. Әлеге кеше дәвалану курсын 1-3 ай яки (нык авыру булса) 3-6 ай үтеп чыгарга тиеш. 

Проектта катнашыр өчен тән төзелеше, мускуллары белән бәйле авыруы булган кешегә (приобретённый сколиоз, различные искривления) авыруын дәлилләүче фотолар җибәрергә кирәк. Рәмзил алар арасыннан аеруча ярдәмгә мохтаҗ кешене сайлап алачак.