Чаллыда 16 каттан егылып төшкән бала үлгән

Яр Чаллы шәһәрендә 6 яшьлек бала 16 каттан егылып төшкән. Ул кичә кич белән хастаханәдә үлгән. Бу турыда "Татар-информ"га үз чыганаклары хәбәр итте.

Әлеге мәгълүматны Яр Чаллы ашыгыч медицина ярдәме хастаханәсенең матбугат хезмәтендә дә расладылар.

"Хастаханәгә китергәндә малай клиник үлем халәтендә иде. Ул алган травмаларыннан вафат булды", - дип аңлаттылар клиниканың матбугат хезмәтендә. 

https://tatar-inform.tatar/news/2019/07/04/189246/