Чаллы –Уфа арасында юлбасарлар йөри

Сак булыгыз, мошенниклар!Чаллы-Уфа трассасында чит ил машиналарында чегәннәр автомобилләрне туктатып ярдәм сорыйлар.Бер-берсеннән 300 ара калдырып һәр ике яклап баскан бу юлбасарлар кул күтәреп ярдәм кирәклегенә ишарә ясыйлар. Берәрсе туктаса тизрәк мескенләнеп акчалары һәм бензиннары беткәнгә зарлана башлыйлар. Акчага алмашка алтын чылбырлар, балдаклар тәкъдим итәләр. Чынлыкта болар арзанлы металдан ясалган бизәнү әйберләре. Кайберләре кабинада авырлы хатыннары утыруын һәм менә-менә бала табарга торуын әйтеп алдалыйлар. Чегәннәр үзләренең Молдовия яки Болгариядән килүләрен әйтәләр. Чаллы газеталары редакцияләренә бу хакта Актаныштан килүче шоферлар хәбәр иттеләр һәм халыкка җиткерүне үтенделәр.