Чаллы укучылары - бөтенроссия олимпиадасы җиңүчеләре

Казанда информатика буенча бөтенроссия олимпиадасы җиңүчеләре билгеле булды. Олимпиаданы ябу һәм җиңүчеләрне бүләкләү тантанасында РФ мәгариф һәм фән министры урынбасары Александр Климов һәм ТР Премьер-министры урынбасары - мәгариф һәм фән министры Энгель Фәттахов һәм башкалар катнашты. Олимпиадада Россиянең 52 төбәгеннән барлыгы 242 укучы көч сынашты. Татарстан данын 16 укучы яулады. Җиңүчеләр арасында шәһәрдәшебез - Яр Чаллының 26 нчы гимназиясеннән Фәргать Шәрипов та бар. Моннан тыш, шул ук гимназиядән Искәндәр Азангулов призерлар исемлегенә керде. Афәрин егетләр!