Чаллыда вакансияләр ярминкәсе уздырыла

Биредә атучы, аппаратчы, слесарь-ремонтчы, электромонтер, урам себерүче, каравылчы, сатулар буенча менеджер, фрезерчы, шлифовщик һәм башка белгечлекләр буенча вакант урыннар тәкъдим ителәчәк.Ярминкәдә оешмаларның кадрлар бүлеге вәкилләре белән очрашырга, алар тәкъдим иткән вакансияләр турында тулы мәгълүмат алырга мөмкинлек булачак. Чара Чаллы шәһәре Сөембикә проспекты 47 йорт 43/20 адресы буенча узачак. Ярминкә иртәнге сәгать 9да башлана, дип хәбәр итә ТР Хезмәт, халыкны эш белән тәэмин итү һәм социаль яклау министрлыгының матбугат хезмәте.