Чаллыда уылдык җитештерә башлыйлар

Республика комиссиясе Чаллы алгарышлы үсеш территориясе резиденты булырга теләгән компаниянең гаризасын карый. Бу компания ясалма уылдык, балык һәм коштан азык-төлек җитештерә. Биредә җитештерелгән ризыкны бөтен Россиядә һәм чит илләрдә сатарга планлаштыралар. Монда елына 3700 тоннадан артык товар җитештерергә җыеналар. "Чишмә" компаниясе әлеге проектны тормышка ашыруга 176 миллион сум акча тотачак. Бу шәһәрдә 77 яңа өстәмә эш урыны булдырырга ярдәм итә. Заводны 2018 елның икенче кварталында файдалануга тапшырырга планлаштыралар.