Чиреңне укырга рөхсәт

Киләсе атна башыннан РФ Сәламәтлек саклау министрлыгының табиблар эше турында яңа законы гамәлгә керәчәк. Аның нигезендә, моннан соң табиб, пациент соравы буенча, аны кабул иткәндә медицина картасына ниләр язганын күрсәтергә тиеш булачак. Теләгән кешеләр карталарын табибта булганнан соң 30 көн эчендә карый алачаклар. Әлбәттә, бу картаны ул табиб кабинетында да укымаячак, өенә дә күтәреп кайтып китмәячәк, ә аның белән танышып чыгу өчен клиникаларда аерым урын билгеләнәчәк.