Чулман проспектын ябалар

Бу тыю биредә ремонт эшләре төгәлләнгә кадәр дәвам итәчәк. Чаллы ЮХИДИ идарәсе шәһәр хакимиятенә мөрәҗәгать итеп юлны ябып торуны сорады. Биредә соңгы вакытларда аварияләр, кагыйдәләрне бозулар арткан. Машина йөртүчеләр арасында каршы юлга чыгып хәрәкәт итүчеләр дә күбәеп киткән. Урамны төзекләндерүче "Камдорстрой" идарәсе җитәкчеләре әйтүенчә Чулман проспектында эшләрнең 80% башкарылган. Бу проспектта урнашкан ЗАГС идарәсенә генә машиналар белән керү рөхсәт ителә.