Дамир Шайхразиев вафат

Җәмәгать эшлеклесе, Чаллы татар иҗтимагый үзәгенең элеккеге җитәкчеләренең берсе Дамир Солтангали улы Шайхразиев бакыйлыкка күчте. Ул заманында милләт өчен янып йөргән фидакарь җан иде. Чаллыда Сарман якташлык җәмгыятенең рәисе дә булды.

Дамир абый туган авылы Чурашта чишмә чистартып, аны төзекләндерүдә катнашып, игелекле гамәл башкарды. Авыл мәчетен төзетүдә дә аның өлеше зур булды.

Дамир Солтангали улының вафаты уңаеннан барлык якыннарының, дусларының тирән кайгысын уртаклашабыз.