Дроннар һөҗүменнән зыян күргән студентларга - 100әр мең сум

Алабугада дроннар һөҗүме нәтиҗәсендә зыян күргән студентларга мораль компенсация түләгәннәр. Бу хакта студентларның берсе Inkazan матбугатына хәбәр иткән. Компенсация күләме, студентның вазифасына карап, 80 мең сумнан 100 мең сумга кадәр, дигән ул. 

Исегезгә төшерәбез, 2 апрель көнне "Алабуга" махсус икътисади зона тулай торагына 2 беспилотник төшеп шартлады. "Алабуга Политех" көллиятендә белем алучы 14 студент зыян күрде. Аларның 6сы хастаханәдә. Хәлләре уңай бәяләнә. Студентларның күбесе чит ил гражданнары. Монда яздык.