Дроннар һөҗүменнән зыян күрүчеләр 14кә җитте

Алабугада дроннар һөҗүме нәтиҗәсендә зыян күрүчеләр саны 14кә җитте. Аларның алтысы Алабуганың үзәк районы хастаханәсендә дәвалана. 

Табиблар әйтүенчә, аларның кайсыларының киселгән җирләре, икенчеләренең сынган урыннары бар. Ләкин берсенең дә тормышына куркыныч янамый. 

Зыян күрүчеләрнең барысы да – «Алабуга Политех» студентлары. Аларның күбесе чит ил гражданнары: Кыргызстан, Зимбабве, Көньяк Судан, Кения, Нигерия, Шри-Ланка, Конго, Руандада туып-үскән кешеләр.