«Экстремизмга – юк!»

1-30 сентябрь көннәрендә республикабызда, шул исәптән, Чаллыда «Экстремизмга - юк!» дигән айлык уза.

Бу чара Татарстанда традицион рәвештә оештырыла. Аның максаты - җәмәгатьчелек игътибарын милләтара һәм динара багланышларны ныгыту, үзара килешеп яшәүне алга сөрү.

Айлык планында төрле чаралар, очрашулар, мөселман киносы фестивале программасына кертелгән проектларда катнашу күздә тотыла. Шулай ук, флешмоб, депутатлар белән очрашу, уку йортларында, хезмәт коллективларында төрле темаларга түгәрәк өстәлләр оештыру да каралган.