Электрон хезмәтләр уңайлы
Чаллы эчке эшләр идарәсендә узган чираттагы брифингта әлеге фикер "кызыл җеп" булып сузылды. Биредә дәүләт хезмәтләренең уңайлылыгы турында сөйләделәр. Эчке эшләр идарәсенең мәгълүмат белән тәэмин итү бүлеге башлыгы Николай Агеев әйтүенчә, Россия эчке эшләр идарәсенең дәүләт хезмәте сайты аша халыкка 35 төрле хезмәт күрсәтелә. Моннан тыш, лицензия-рөхсәт алу буенча -...
Чаллы эчке эшләр идарәсендә узган чираттагы брифингта әлеге фикер "кызыл җеп" булып сузылды. Биредә дәүләт хезмәтләренең уңайлылыгы турында сөйләделәр. Эчке эшләр идарәсенең мәгълүмат белән тәэмин итү бүлеге башлыгы Николай Агеев әйтүенчә, Россия эчке эшләр идарәсенең дәүләт хезмәте сайты аша халыкка 35 төрле хезмәт күрсәтелә. Моннан тыш, лицензия-рөхсәт алу буенча - 27, мәгълүмати - 5, юл хәрәкәте иминлеге буенча 3 төрдә хезмәт башкарыла. 2015 ел нәтиҗәләреннән күренгәнчә, юл хәрәкәте иминлеге буенча төрле үтенеч белән 1712 гариза кергән, аларның 1419ына хезмәт күрсәтелгән. Бердәм портал буенча 1419 кеше үзенә кирәкле документны алган. Лицензия-рөхсәт алу мәсьәләсе буенча узган елда 3452 гариза кергән.
Халык эчке эшләр идарәсенә хөкем ителмәгәнлек буенча белешмә сорап еш мөрәҗәгать итә икән. Узган елда андыйларның саны 6712гә җиткән, аларның 4776сына белешмә бирелгән. "Кызганычка каршы, безнең гражданнар интернет-ресурслардан тиешле дәрәҗәдә файдаланмыйлар. Юкса, электрон хезмәтләр бик уңайлы. Моның өчен Россия дәүләт хезмәтләре сайтында теркәлергә генә кирәк. Аннары төрле инстанцияләргә йөрмичә генә салым, пенсия һәм башка өлкәләргә кагылышлы хезмәтләрне алырга була. Сораулары туган кешеләр 37-90-73, 37-90-67 телефоннарына шалтырата ала. Сайтта дәүләт хезмәтләренең тәртибе турында видеоязма да бар", - ди Николай Владимирович.
Бүгенге көндә ГЭС бистәсендә күп функцияле үзәк тә эшли. Анда да төрле хезмәтләрне тиз арада башкарырга була.
Белгечләр әйтүенчә, теге яки бу документы алу өчен 30 көн кирәк. Гаризаны интернет буенча бирсәң, документ 15 көн эчендә әзер була. Шунысын да әйтергә кирәк, хөкем ителмәгәнлек турындагы белешмә ярты елга гына яраклы. Аннары аны яңартырга кирәк.
Полиция хезмәткәрләре интернет аша хезмәтләрнең уңайлы һәм тиз булуына берничә тапкыр басым ясадылар. Мәсәлән, белешмә алу өчен теге яки бу оешмага барып гариза язам дисәң, кимендә бер көн вакытны сарыф итәргә кирәк. Ә интернет аша бу эшне 10-15 минутта башкарып була. Дөрес, интернеттан файдалану өлкәннәр өчен катлаулырак. Аларга бу эштә балалары, оныклары ярдәм итә ала.
Россия миграция хезмәтенең ТР буенча Чаллы бүлеге башлыгы урынбасары Любовь Назаргалиева үзләре башкарган эшләргә тукталды. Биредә Россия һәм чит ил паспортлары бирелә, теркәлү һәм башка хезмәтләр күрсәтелә. Россиягә керү һәм чыгу тәртипләре аңлатыла. Бер чит ил паспорты булган кешеләргә 10 елга икенче биометрик паспорт бирелә. Моның өчен интернеттан гаризаны җибәрергә кирәк. Хәзер бу эш тагын да гадиләштерелгән. Хезмәт кенәгәсен дә, гаризаны да эш бирүчедән раслатырга кирәкми икән. Бүгенге көндә бу эшләрне www.gosuslugi.ru сайтында башкару тиз дә, уңайлы да. Гариза бирү өчен бердәм порталда теркәлергә кирәк. Аннары ФМСка ике генә тапкыр: биометрик фотога төшәргә һәм әзер документны алырга барасы була.
Эчке эшләр идарәсенең лицензия-рөхсәт эшләре буенча бүлек башлыгы Венер Гыйбадуллин әйтүенчә, узган елда 1388 гариза кергән. 2014 елда бу сан 14 кенә булган. Гаризаларны эчке эшләр идарәсенең яшәү буенча бүлекләрендә дә кабул итәләр. Бу эшләрне дә дәүләт хезмәтләре сайты аша эшләргә була. Инспекторлар бу эштә булышырга әзер. Кешеләр корал йөртүгә рөхсәт, сак хезмәте кенәгәсе алу өчен еш мөрәҗәгать итәләр икән.
Зөлфия ФОАТОВА
Следите за самым важным и интересным в Telegram-каналеТатмедиа
Нет комментариев