Җепшек кар явуы көтелә

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген - 13 октябрьдә, аязучан болытлы һава торышы хакимлек итәчәк.Республикада төнлә урыны белән, көндез кыска вакытлы явым-төшемнәр - яңгыр һәм җепшек кар көтелә. Көнбатыштан, төньяк-көнбатыштан уртача тизлектә талгын җил исә.Татарстанда һава температурасы төнлә - 1 градус җылыдан 4 градуска кадәр салкын, көндез 2-7 градус җылы булачак.

14 октябрьгә каршы төндә 2 градус җылыдан 3 градуска кадәр салкын булачак.