Яңа туган сабыен чүп савытына ташлаган

Мәскәүдә яшәүче 38 яшьлек хатын-кызга карата җинаять эше кузгатылды. Ул баласын үтерергә теләүдә гаепләнә.

Яшь әни өендә бала таба һәм аннан җиңел генә котлырга була. Сөлгегә төрелгән сабыйны пакетка салып, подъездның икенче каттагы чүп савытына ташлый. Бәхеткә, чүп савыты көнкүреш калдыклары белән тыгылган була. Бала аска төшеп китми - кысылып кала. Подъезд идәнендә кан эзләрен күреп алган йортта яшәүчеләр хокук сакчыларын чакырта.

Хәзерге вакытта тикшерү эшләре бара. Сабыйга тиешле ярдәм күрсәтелә.