Игътибар: “Кайнар элемтә”

Татарстан Дәүләт Советының хатын-кыз депутатлар берлеге республиканың кеше хокуклары буенча вәкаләтлесе белән берлектә 26 апрельдә "Хатын-кыз игътибары" дип исемләнгән "кайнар линия" үткәрә. Гомуми белем мәктәпләренә беренче сыйныфка укучылар кабул итү һәм балаларның җәйге ялына кагылышлы сорауларны 8-19 сәгатькә кадәр (843) 236-00-71, 236-40-17, 236-40-62 телефоннарына шалтыратып җавап алырга була. Сорауларга министрлыклар вәкилләре, ТРда кеше һәм бала хокукларын яклау буенча вәкаләтлеләр, Казан, Чаллы һәм Әлмәт шәһәрләре хакимиятләре, Татарстан Дәүләт Советы депутатлары җавап бирә.