Шəhри Чаллы

Иркә: «Башка ирнең хатынын уйнау авыррак булды»

Эстраданың популяр җырчысы Иркә тамашачысына күңелле яңалык әзерли. Ул Зифа Нагаева иҗат иткән «Сыналган мәхәббәт» исемле яңа җырына клип төшерде. - Иркә, клипны кайда төшердегез? Төп геройлары кем?

- Клип Казан читендәге бер өйдә төшерелде. Режиccер мине 4 бала әнисе итеп күрергә теләде. Клип үзәгендә күп балалы гаилә булачак. Ирем ролен «Мунча ташы» артисты Әнфис Кәлимуллин башкара. Аның белән эшләве икеләтә рәхәт. Шулай да, кияүдә була торып башка ирнең хатынын уйнау авыррак булды. Янәшәдә ирем карап торса да, рольгә кереп уйнарга туры килде.

- Бер клибыңда - тормыш иптәшең Артур, икенчесендә кызың Айсылу белән төштең. Монысында гаиләң катнашамы?

- Бу юлы клипта гаиләмнән беркем дә төшмәде. Артур: «Без артистлар түгел, ә гаилә!» - диде. (көлә)

- Тамашачы «Сыналган мәхәббәт» җырының клибын кайчан күрә алачак?

- Озак көттермичә, бер ай эчендә өлгертергә исәп, Алла теләсә!

- Иркә, Яңа елга санаулы көннәр калып бара. Әтәч елын кайда каршы алырга уйлыйсыз?

- Яңа 2017 елны 3 балам белән бергә каршы алачакмын, Алла боерса. Әтиебез 2-3 айга командировкага китте. Айсылу белән бәйрәм көннәренә планнар кора башладык инде.

Интертат.ру

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: