Искечә Яңа ел белән!
Бүген Азатлык мәйданында, җиңү Паркында һәм Тукай яр буенда Яңа елны искечә бәйрәм итү чаралары узачак. Азатлык мәйданында театральләштерелгән күңел ачу программасы сәгать 18:00 башлана. Анда шәһәребезнең иҗат коллективлары һәм солистлары катнашачак. Моннан тыш бәйрәмдә "Шәһәрнең иң яхшы яңа ел бизәлеше" бәйгесенең җиңүчеләрен дә бүләкләү тантанасы узачак. Кыш бабай һәм...
Җиңү Паркы һәм Тукай яр буенда уен программасы, тюбинг, тимер аяк һәм веломобильләрдә шуу оештырылачак. Моннан тыш анда Чаллы рәсамнары эшләре күргәзмәсе һәм концерт программасы да була.
Җиңү Паркында бәйрәм кичке сәгать 17:00 алып 18:30 га кадәр, Тукай яр буенда - 17:00 алып 19:00 кадәр дәвам итә.
Бәйрәм үткәннән соң, шәһәр буйлап яңа ел иллюминацияләрен салдырып, чыршыларны сүтү башланачак.
Россиядә Яңа елны искечә каршылау традициясе 1918 елда, яңа Григориян календарен керткәннән соң башланып китте. СССР таркалганнан соң да, әлеге бәйрәмне элекеге союздаш республикалар, шулай ук Әзербайҗан, Үзбәкстан, Балтия илләрендә һәм чит илләрдә дә каршылау сакланып калды.
Альбина ЗАРИПОВА
Следите за самым важным и интересным в Telegram-каналеТатмедиа
Нет комментариев