Шəhри Чаллы

Исмәгыйль Шәрәфиевне соңгы юлга озаттылар

Кичә кич кайгылы хәбәр килеп иреште. "Татарстан яшьләре" газетасының баш мөхәррире Исмәгыйль Шәрәфиев вафат булган. Соңгы айларда Исмәгыйль абый яман чир белән авырый иде. Кызганыч, ул куркыныч авыруны җиңә алмады.Бүген иртәнге тугызынчы яртыда Салмачи бистәсендә якыннары, хезмәттәшләре Исмәгыйль Шәрәфиев белән хушлашты. Ул туган ягы Әтнәдә җирләнәчәк.

Сүз уңаеннан, быел "Бәллүр каләм" журналистлар бәйгесенең гран-при бүләге Исмәгыйль Сәлмән улына тапшырылган иде. Аның кызы Айгөлгә сәхнәдә "Лада Калина" автомобиле ачкычын бирделәр. Бүләкне алырга Исмәгыйль абый үзе инде килә алмаган иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: