“Калфаклы сандугач-2015” бәйгесе

Шушы көннәрдә "Калфаклы сандугач-2015" исемендәге татар җыры һәм музыка уен коралларында уйнаучыларның VIII төбәкара ачык фестиваль-бәйгесе үтте. Әлеге мәдәни чара Казан шәһәренең Киров районы 4нче татар гимназиясендә уздырылды. Җиңүчеләргә дипломнар һәм махсус бүләкләр тапшырылды. Гран-прига Чаллы шәһәренең 1нче яшьләр һәм балалар үзәгенең "Зимфиринкалар" бүлегеннән Алинә Идиятуллина һәм Диләрә Хәертдинова дуэты (җитәкчесе Хәсәншина Зимфира Хәмит кызы) лаек булды. Дуэт С.Садыйкова көенә язылган "Җидегән чишмә" җырын башкарып җиңү яулады.