Казанның яңа җирләрендә чаңгы-биатлон базасы төзеләчәк

Бу көздә рәсми рәвештә Казанга кушылачак Лаеш районы территориясендә яңа спорт комплексы төзеләчәк. Бу хакта «Татар-информ» мәгълүмат агентлыгында узган матбугат конференциясендә шәһәрнең Архитектура һәм шәһәр төзелеше идарәсе башлыгы урынбасары Анастасия Латыйпова сөйләде. 

«Казанга кушылган территориядә чаңгы ярышлары һәм биатлон буенча тренировкалар һәм ярышлар уздыру өчен спорт комплексы төзү планлаштырыла», – диде спикер.

Ул бу территориягә республика хакимият органнарының да, муниципаль берәмлекнең дә башка планнары юклыгын искәртте.

Комплекс универсаль булачак: анда яңа уенчылар һәм профессиональ спортчылар шөгыльләнә алачак, диде Латыйпова.

Трассаның озынлыгы - 5 километр, киңлеге - 12 метр. Ул демисезонлы булачак, җәй өчен махсус асфальт юл каралган.

Комплекс төзелеше башланды инде. Беренче чиратны төзү быел ук тәмамланырга тиеш, шуннан соң база беренче спортчыларны кабул итәчәк.

Татарстан башкаласына Лаеш районы Матюшино авыл җирлегенең алты участогын кушу турындагы закон 16 ноябрьдән үз көченә керәчәк.  

Чыганак: Татар информ