«Көмеш кыңгырау» газетасының Шәүкәт Галиев премиясе лауреатлары бүләкләнде

Чаллының Мулланур Вахитов исемендәге 2 нче гимназиясендә «Көмеш кыңгырау» балалар һәм яшүсмерләр газетасы һәм Татарстан Язучылар берлеге оештырган Шәүкәт Галиев әдәби премияләрен тапшыру тантанасы узды.

2020 елда оештырылган әлеге премия язмалары газета битләрендә дөнья күргән 4 яшь каләм чарлаучыга һәм газета белән хезмәттәшлек итүче бер өлкән язучыга бирелә.

«Көмеш кыңгырау» газетасының баш мөхәррире Айсылу Сәлимова сәләтле балаларны ничек эзләүләре һәм үзләренә җәлеп итүләре турында сөйләде.

«Без укучылар белән шәһәр күләмендә генә түгел, төрле район-авыллар буйлап та очрашуларга йөрибез. Шул очрашулар вакытында иҗат итәргә яратучы балаларны күреп, үзебез белән хезмәттәшлек итәргә чакырабыз. Яза торган балалар безгә татар теле укытучылар ярдәме белән дә, шулай ук газетабызда узган төрле бәйгеләр аша да килеп керәләр. Бу премия бер еллык иҗат өчен бирелә. Аңа лаек булу өчен укучы ел дәвамында актив иҗат итәргә, аның төрле темаларга язмалары газетабыз битләрендә дөнья күрергә тиеш», - диде ул.

Премияне Татарстан Язучылар Берлеге рәисе урынбасары, язучы, шагыйрь, «Көмеш кыңгырау»ның икенче баш мөхәррире Факил Сафин һәм спонсор Римма Идиятуллина тапшырды.

Өлкән язучылардан Шәүкәт Галиев исемендәге премиягә язучы Флера Мәрданова лаек булды.

Мәктәп укучылары арасында җиңүчеләр:

Айзат Гайнетдинов, Чаллы шәһәре, Мулланур Вахитов исемендәге 2нче гимназия.

Камилә Әхмәдиева, Балык Бистәсе районы, Күгәрчен урта мәктәбе.

Азалия Мифтахова, Саба районы, Эзмә мәктәбе.

Зәринә Гыйльметдинова, Арча районы, Кәче мәктәбе укучысы.

Премия лауреатларына «Көмеш кыңгырау» газетасының яшь хәбәрчесе дигән таныклык та тапшырылды.

Зәринә Гыйльметдинова 5 сыйныфтан татар теле һәм әдәбияты буенча олимпиадаларда катнашып килә. «Анда миңа иҗади биремнәрне эшләве бик ошый иде. Шул вакытта язу сәләтем булуын аңладым. Мәктәптәге чараларны яктыртып барам, үземне борчыган социаль проблемаларны да күтәрәм. Илһам килгән саен язарга тырышам. Бу әле минем беренче генә премиям. Бу - минем бик зур уңышым», - диде ул. Зәринә, шулай ук «Арча хәбәрләре» газетасы белән дә хезмәттәшлек итә.

Айзат Гайнетдинов сүзләренчә, әлеге премия аңа алга таба тагын да күбрәк язарга этәргеч бирәчәк. Айзат маҗаралы хикәяләр язарга яратуын әйтте. Аларда төп герой – Айзат үзе. Ул яшьтәшләренең татар телен белмәвенә борчылуын да җиткерде.

Тантаналы чарада Шәүкәт Галиев премиясеннән тыш башка бүләкләр дә тапшырылды.

Газета белән даими хезмәттәшлек өчен «Татмедиа» акционерлык җәмгыятенең премияләре ияләре:

Руслан Логинов, Яр Чаллы шәһәре, 52нче мәктәп.

Рәйсә Абдуллина, Казан шәһәре, СОлНЦе мәктәбе.

Таңсылу Ганиева, Чаллы шәһәре Мулланур Вахитов исемендәге 2нче гимназия.

Ләйлә Нуриева, Актаныш районы, Пучы мәктәбе.

Адилә Искәндәрова, Чаллы шәһәре, 29нчы гимназия.

«Көмеш кыңгырау» белән даими хезмәттәшлек итүче иң актив яшь шагыйрьләр:

Алинә Шәехова, Актаныш районы, Пучы мәктәбе.

Эльвина Вәлиева, Чаллы шәһәре, 42нче мәктәп.

Ләйлә Хаҗиева, Чаллы шәһәре, 14 гимназия.

Нәфисә Шәяхмәтова, Мамадыш районы, Дүсмәт мәктәбе.

Әдилә Закирова, Чаллы шәһәре, 41нче мәктәп.

Газета белән хезмәттәшлек итүче иң актив, яшь журналистлар:

Зөфәр Мөхәммәтдинов, Чаллы шәһәренең 84нче лицей-интернат укучысы.

Азалия Сабитова, Арча районы, Шушмабаш мәктәбе

Фирүзә Ибраһимова, Яңа Чишмә районы Шахмай урта мәктәбе.

Ильяс Сираев, «Чаллы-адымнар» мәктәбе.

Быел «Көмеш кыңгырау»ның яңа авторларын барлар өчен «Ачыш» номинациясе булдырылган. Әлеге номинациядә «Көмеш кыңгырау» гаиләсенә яңа гына килеп кушылган балалар:

Рәинә Гыйззәтуллина, Чаллы шәһәре, 54нче гимназия.

Сөмбелә Шәрифуллина, Мамадыш районы Катмыш урта мәктәбе.

Тимур Вәҗетдинов, Минзәлә шәһәре, 1нче урта мәктәп.

Лиана Тимергалиева, Саба районы Килдебәк урта мәктәбе.

Зәлия Миргалимова, Актаныш районы, Теләкәй мәктәбе

Айсылу Шакирҗанова, Яр Чаллы шәһәре, 3нче мәктәп

Иркә Сәмигуллина, Арча районы, Шушмабаш мәктәбе.

«Интернет- хәбәрче» номинациясендә җиңүчеләр:

Диләрә Хөсәенова, Чаллы шәһәре, 84нче лицей-интернат.

Азалия Кәримова, Түбән Кама шәһәре «Адымнар» мәктәбе

Ильвина Шәйдуллина, Актаныш районы Аккүз мәктәбе.

Айзилә Әхмәтова, Актаныш районы Аккүз мәктәбе.

Әнвәр Мөхетдинов, Арча районы Наласа мәктәбе.

Газета уздырган бәйгеләрдә даими катнашучылар:

Әмир Фәрхуллин, Мамадыш районы, Җәнлек совхозы мәктәбе.

Гүзәлия Рәсүлова, Әгерҗе районы Кадыбаш мәктәбе.

Зилә Шәрәфиева, Саба районы Олы Кибәче мәктәбе.

Әдилә Вәлиева, Кукмара районы Мәчкәрә мәктәбе.

Әмир Кәримуллин, Балык Бистәсе районы Күгәрчен урта мәктәбе.

Шулай ук «Кызыклы лаборатория» проектында иң күп эксперимент күрсәткән Чаллының 56 мәктәбе укучысы Зилә Мөхәммәтшина һәм аның физика укытучысы Гүзәл Тәрҗеманова бүләкләнде.