Көннәр әкрен генә сүрелә, яңгырлар килә

28 июль көнне көндез бөтен Татарстанда явым-төшемнәр көтелә. Урыны белән яшенле яңгырлар, җилнең секундына 18-23 метрга кадәр җитү һәм боз явуы ихтималы бар.
Төнлә Температура 16-21 градус, көнчыгышта – 24 градуска кадәр. Көндез һава 23-28 градуска кадәр җылыначак, көнчыгышта – 31 градуска кадәр.
Чәршәмбе көнне, 29 июльдә, төнлә явым-төшем көтелми, әмма көндез атмосфера фронты якынлашу белән көньяк-көнбатыш районнарда янә яшенле яңгырлар явуы ихтимал. Яшенле яңгыр вакытында җил урыны белән секундына 15-20 метрга кадәр көчәячәк, боз явуы да ихтимал. Төнлә – 14-19 градус, көндез – 25-30 градус.
Пәнҗешәмбе, 30 июльдә, Татарстан циклон йогынтысына дучар булачак. Республикада уртача һәм көчле,  урыны белән яшенле яңгырлар көтелә. Төнлә – 14-19, көндез – 19-24 градус.
Якынча фаразлар буенча, 31 июльдә һәм 1 августта һава торышы тотрыксыз булачак, вакыт-вакыт яңгырлар көтелә. 31 июльдә көндез температура 19-24 градус, 1 августта 22-27 градус булачак.