Латвиядән старт алган автоузыш Чаллы аша да үтә

Латвия башкаласында Рига - Елгава - Санкт-Петербург - Мәскәү - Түбән Новгород - Казан - Яр Чаллы - Уфа - Чиләбе - Петропавловск - Омск - Новосибирск - Иркутск - Байкальск - Улан-Уде - Чита - Хабаровск - Владивосток маршруты буенча автоузыш башланды. Ул моңа охшаш беренче автоузышның 40 еллыгына багышлана.

Казанга катнашучылар 4-5 июньдә, Яр Чаллыга - 6-7 июньдә килеп җитәргә уйлый. Алар реставрация узган өч RAF 2203 микроавтобусында барлыгы 12 мең чакрымга якын араны үтәргә тиеш.Латвиянең борынгы автомобильләр клубы советы әгъзасы Иварс Шембергс журналисларга хәбәр итүенчә, Владивостокка катнашучылар 3 июльдә килеп җитәргә тиеш.