Мәгариф хезмәткәрләре киңәшә

13 майда Казанда Татарстан Республикасы Премьер-министры урынбасары - мәгариф һәм фән министры Энгель Фәттахов, муниципаль районнар һәм шәһәр округларының мәгариф бүлекләре һәм идарәләре башлыклары катнашында республикакүләм киңәшмә узачак.

Аның барышында 2016 елда 9 һәм 11нче сыйныф укучыларының дәүләт йомгаклау аттестациясен оештыру һәм үткәрү, югары һәм урта һөнәри белем бирү оешмаларына максатчан кабул итүнең гамәлгә ашырылуы һ.б. хакында сүз барачак. Моннан тыш, киңәшмәдә катнашучылар 2016 елда мәктәп укучылары Бөтенроссия олимпиадасының төбәкара һәм йомгаклау этабы нәтиҗәләре хакында фикер алышачаклар.