Мөслим авариясендә вафат булган кызчыкның әнисе дә БСМПда үлгән

Ул турыда монда язган идек. Авариядә зыян күрүчеләрне Чаллыга китергән иделәр.

Чаллының Ашыгыч ярдәм күрсәтү хастаханәсендә 10 яшьлек кызчыкның әнисе – "KIA" автомобиленең 43 яшьлек пассажиры вафат булды.

ТР прокуратурасы матбугат хезмәтеннән хәбәр итүләренчә, әлеге фаҗига буенча РФ Җинаять кодексының 264 маддәсенең 5нче өлешенә (саксызлык аркасында ике кешенең үлеменә китергән юл хәрәкәте кагыйдәләрен бозу) караган җинаять эше ачылган.