Мөслим юлында булган коточкыч юл һәлакәтендә бер баланың гомере өзелгән

Республика Дәүләт автоинспекциясе белешмәсе буенча, Volkswagen машинасының 56 яшьлек йөртүчесе төп юлдан бара торган KIA маркалы җиңел машинага юл бирмәгән.

Юл-транспорт һәлакәтендә KIA машинасындагы 9 яшьлек кыз һәлак булган. Шулай ук KIA машинасындагы йөртүче һәм бер пассажир, Volkswagen машинасындагы дүрт кеше төрле травмалар алган. Зыян күрүчеләрне хастаханәгә илткәннәр.