«Нур» яшьләр үзәге «Яшьләр вакыты» Бөтенроссия яшьләр казанышлары премиясенә дәгъва кыла

«Яшьләр урыны» номинациясендә («Төбәк арт-резиденциясе һәм яшьләр пространствосы категориясе») директор Полина Трянина җитәкчелегендәге «Нур» яшьләр үзәге арт-резиденциясе катнаша.  
26 ноябрьдән 1 декабрьгә кадәр премиянең Вконтакте төркемендә ачык тавыш бирү үткәрелә, ул номинацияләрдә кандидатларны хуплау дәрәҗәсен чагылдыра. Чаллылыларны «Нур» яшьләр үзәгенә ярдәм итүләрен һәм, сылтама буенча үтеп, тавыш бирүләрен сорыйлар https://vk.com/youthtimeaward?w=wall-208088159_586.
«Нур» 2020 елда масштаблы модернизациядән соң ачылды. Бүген бу үсеш һәм тормышка ашыру өчен заманча киңлек, анда тавыш яздыру студиясе, медиастудия, киберзона, хәрәкәт һәм дизайн студиясе, лекторий, шоу-зал, арт-студиясе, баскетбол мәйданчыгы һәм өстәл теннисы зонасы бар. Үзәкнең күп санлы трансформацияләнә торган зоналары бар, ә техник җиһазланышы яшьләрнең иң гаҗәеп уйларын тормышка ашырырга мөмкинлек бирә.
Премия түбәндәге номинацияләрдә үткәрелә:
«Яхшылар вакыты» – яшьләр сәясәте өлкәсе җитәкчеләре һәм хезмәткәрләре өчен;
«Ачышлар вакыты» – яшьләр лидерлары һәм экспертлары өчен;
«Бергә булырга вакыт» – инклюзив иҗтимагый инициативалар авторлары һәм социаль үзгәрешләр лидерлары өчен;
«Мөмкинлекләр вакыты» – барлык дәрәҗәдәге форум дирекцияләре вәкилләре өчен;
«Z буыны» – яшүсмерләр һәм педагог-остазлар өчен;
«Яшьләр дусты»  – бизнес, дәүләт корпорацияләре, коммерцияле булмаган оешмалар һәм югары вазыйфаи затлар өчен;
«Яшьләр урыны»  – арт-киңлекләр, яшьләр үзәкләре һәм югары уку йортлары өчен;
«Яшьләр тавышы»  – яшьләр медиасы өчен.
Чаллылылар башка номинацияләргә дә гаризалар бирде, анда ачык тавыш бирү юк һәм җиңүчеләр буенча карарны эксперт жюри кабул итә. Нәтиҗәләр 2021 елның 14 декабрендә билгеле булачак.

http://nabchelny.ru/