Күренекле җырчы авыр хәлдә

64 яшьлек Америка җырчысы Мадонна бактериаль инфекция нәтиҗәсендә хастаханәгә эләккән. Бу хакта социаль челтәрләрдә аның менеджеры Гай Осири хәбәр итте. Шул сәбәпле җырчының юбилей турлары кичектерелгән.

«24 июньдә Мадоннада җитди  бактериаль инфекция ачыкланды. Ул берничә көн интенсив терапея бүлегендә булды», – ди ул.
Page Six порталы мәгълүматларына караганда, Мадоннаны аңсыз килеш тапканнар һәм хастаханәгә салганнар. Аның янында кызы Лурдес Леон кизү тора.