Праймериз оештырыла

Татарстан Дәүләт Советына бер мандатлы 18нче Мәләкәс округы буенча депутат сайлау алдыннан партия эчендә алдан тавыш бирү - праймериз оештырыла.

Бу округтан сайланган ТР Дәүләт Советы депутаты, катыргы-кәгазь комбинаты халык предприятиесе генераль директоры Владимир Бестолков җәй көне вафат булган иде. Оештыру комитетына праймеризда катнашу өчен 4 (өч ир-ат, бер хатын-кыз) кешедән гариза кергән. 120 сайлаучы аларны бәяләп, ТР Дәүләт Советына Мәләкәс округыннан өстәмә сайлауда катнашучы бер кандидатны күрсәтергә тиеш. Праймериз 23 гыйнварда 1нче балалар һәм яшьләр иҗат үзәгендә иртәнге 10да башлана. Аны ТР Дәүләт Советы рәисе урынбасары Юрий Камалтынов алып бара.