Шəhри Чаллы

Президенттан - машина

Татарстан президенты Рөстәм Миңнеханов Чаллыда яшәүче яшь спортчының гаиләсенә матди ярдәм күрсәтергә вәгъдә бирде. Президент белән видеоэлемтә аша спортчының әнисе Галина Волкова аралашты. Аның улы Николай картинг спорты белән мавыга, "КАМАЗ-Карт" өйрәнчек-спорт клубында шөгыльләнә.

Остазлары - әтисе Владимир Волков, тренер Сергей Телепов. Николай "КАМАЗ-Мастер" командасы кубогы ярышларында даими катнашкан, призлы урыннар яулаган. Ә менә хәзерге вакытта, "Микро" класслы карт машинасы булмау сәбәпле, ярышларда катнаша алмый. Сәбәбе - акчалары юк. Волков гаиләсе, Николайның үзе белән видеоэлемтә аша сөйләшкәннән соң, Рөстәм Миңнеханов мәсьәләне хәл итәргә вәгъдә бирде - якын арада яшүсмер машиналы булачак...

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: