Радик Юлъякшин сәхнәдән китәргә җыена

Милли эстрадада Радик барлыгы 14 елын үткәргән.
Социаль челтәрләрдә язылган постында ул соңгы биш елда ил буйлап гастрольләргә йөрүдән туктамавын әйткән. Тиздән Уфада һәм Казанда буласы юбилей концертлары быелга соңгылары булачак, дигән ул.
Биш ел эчендә ул үзенең лейблын булдырган һәм Казан белән Уфаның спорт ареналарында күләмле шоулар уздырган.
“2020 елдан Мәскәүдә продюсерлык белән шөгыльләнә башлаячакмын. Сәхнәдән китмим, ләкин концертлар икенче планда булачак”, дигән Радик.
Әйткәндәй, быелга Казан белән Уфада Радик Юлъякшинның концертлары башкача планлаштырылмаган.

https://kiziltan.rbsmi.ru/articles/kultura/radik-yulyakshin-s-khn-d-n-kit-rg-yena/