Ростов-Дон шәһәре үзәгендә шартлау булган

Дондагы Ростов шәһәре үзәгендә шартлау булган. Бер кеше яраланган. Бу хакта Русия мәгълүмат агентлыклары язып чыкты.

Соңрак хәбәрне Росгвардиянең Төньяк-Кавказ бүлгесе матбугат хезмәте дә раслаган. Кулдан ясалган шартлаткыч кечкнә фонарь эченә куелган булган, дип белдерелә.

Беренчел мәгълүматларга караганда, шартлау бер мәктәп янында булган. РИА Новости язуынча, фонарьне урам себерүче күреп, кулына алган һәм ул шартлаган. Ирнең бармаклары өзелгән, диелә.

Интерфакс мәгълүматларына караганда, ир кеше урам буйлап барган һәм фонарь салынган бер пакет күреп калган. Ул фонарьне кабызып караган һәм шартлау булган. Зыян күрүчене хастаханәгә илткәннәр. Мәктәп ябылган, аның территориясен уратып алганнар.