Рөстәм Миңнеханов: Татарстан "Абилимпикс" хәрәкәтенә ярдәм итәчәк һәм үстерәчәк

Татарстан алга таба да «Абилимпикс»хәрәкәтенә ярдәм итәчәк. Бүген бу хакта Татарстан Республикасы Президенты Рөстәм Миңнеханов Казанда Инвалидлар һәм мөмкинлекләре чикләнгән затлар арасында һөнәри осталык буенча VI илкүләм чемпионатта җиңүчеләр һәм призерлар белән очрашуда хәбәр итте.

«Узган елларда бу чемпионат сәламәтлекләре буенча чикләүләре булган кешеләрне һөнәри юнәлеш бирү һәм мотивацияләү өчен старт мәйданчыгы булды. Без үз ягыбыздан бу хәрәкәтне алга таба да дәвам итәчәкбез һәм үстерәчәкбез, аның стандартларын гомуми белем бирү практикасына кертәчәкбез», — диде ТР Президенты.

8
Рөстәм Миңнеханов билгеләп үткәнчә, узган ел ярышлар яңа дистанцион-көндезге форматта узды, бу чемпионатны тагын да масштаблырак итәргә мөмкинлек бирде.

«Татарстан җыелма командасы 84 медаль һәм медальон яулады, икенче гомумкоманда урыны. Бу бик яхшы нәтиҗә. Лаеклы җиңүе белән котлыйм. Сез барыгыз да төрле, әмма сезне ихтыяр көче, хезмәт һәм үҗәтлек берләштерә. Сез үз максатыгызга кыю рәвештә ирешәсез һәм аны тормышка ашыру өчен мөмкин булганның барысын да эшлисез. "Сезнең нәтиҗә-тренерлар, укытучылар, экспертларның уртак хезмәте дә", - дип мөрәҗәгать итте ТР Президенты конкурсантларга.

Ул шулай ук мондый чемпионатта катнашучыларның «профессиональ һәм конкурслы тәҗрибә алдык», дип ассызыклады. Рөстәм Миңнеханов фикеренчә, алынган тәҗрибә "киләчәк карьерасында һәм шәхси үсештә бәһасез өстенлек бирәчәк". "Ышанам ки, сезнең һәркайсыгыз туган Татарстанда үз урынын табар», — дип билгеләп үтте ул.

Конкурсантларны әзерләүгә керткән өлеше өчен Рөстәм Миңнеханов педагогларга ТР Президентының Рәхмәт хатын тапшырды.

Татарстан командасы сәламәтлек мөмкинлекләре чикләнгән затлар һәм инвалидлар арасында һөнәри осталык буенча «Абилимпикс» VI илкүләм чемпионатында 56 медаль яулады — 19 алтын, 19 көмеш һәм 18 бронза. Моннан тыш, 28 кеше призер булып, һөнәри осталыклары өчен медальон алып кайтты.

Гомумкоманда зачетында татарстанлылар, Мәскәүдән генә калышып, икенче урынны алдылар. Республика шулай ук «Абилимпикс»экспертлар берләшмәсе үсешендә икенче урында булды.

Чемпионат узган елның 23-29 ноябрендә узды. Россиянең 81 регионыннан 2 меңнән артык катнашучы 77 компетенциядә җиңү өчен көрәште. Ярышларда җиңүчеләр 460 медаль белән бүләкләнде, шуларның 154 — алтын, 154 — көмеш һәм 152 — бронза.

Татарстаннан барлыгы 50 компетенция буенча 122 катнашучы катнашты. Конкурсантлар «мәктәп укучылары», «студентлар» һәм «белгечләр»категорияләрендә ярышты.

Фото: http://kazan.bezformata.com/